DUONE
Teksto Ivan S.Naoumov Muziko T.Faverial
Neniam mi tenis alte
La glavon de miaj rimoj
Jen ili libelas salte
Jen falas-falegas ŝtone
Sed ĉiam inter la limoj,
Duondanĝere
Duonmistere,
Ĉiam duone
Mi subaĉetis muzon
Sukcese nur pro malŝparo
Da flato.Sentante ruzon
Ĝi ridis al mi sensone
Kaj donis en malavaro
Duonlitere,
Duonvortere,
Ĉiam duone
Kaj falis paperen aro
Da signoj nerelegotaj,
Linioj verkista varo
Vendota al vi senmone.
Kaj floris dediĉoj motaj
Duonparkere,
Duonsincere,
Ĉiam duone
Por via hezitatento,
Por ne diruta demando,
Por io ekster la sento
Sed klara kvazaŭ rekone
Bonvenon al mia lando !
Duonkolere
Duonespere
Ĉiam duone.